workheartplayheart

熟人介紹當然比睇旅遊書好，居住係東京嘅日本同事推介我去試 NINJA AKASAKA ，之前同事並沒有特別介紹餐廳有何特別，食過後，簡直一試難忘，非推不可！

餐廳以忍者為主題，裝修佈局像忍者屋般，連侍應亦以忍者打扮示人，忍者體驗由踏進餐廳門口一刻展開。差不多每枱食客也有獨立房間，忍者侍應帶我們進入房間時會經過特別通道及吊橋，但由於環境太黑，我們並没有影相，留番啲神秘感給你們自行經歷吧！

侍應會先送來餅乾及醬，起初我們真係唔知個忍者標原來係食得嘅。

我們分別點了一個 Hanzou course（10,000 Yen）及 Yamato course （6,999 Yen）。兩個course 均備有10道菜，各具特色。

Hanzou 的第一道菜以魚包著蕃茄，味道清新特別

Yamato的第一道菜同樣以蕃茄為主，內有青瓜及脆脆，不錯。

兩款course 嘅第二及第三道菜相同

這味螺肉唔單止有得食，仲有得睇，有趣！

呢隻黑色像蕃薯般嘅野係第三道菜，外脆嘅外殻內裡包著飯，加上粟米汁，味道不錯但唔算特別。

Yamato 的第四道菜算是最特別，相信亦係餐廳嘅 signature 之一，忍者會利用熱石即場用菜煮麵豉湯，正！

係飲湯嘅同時，侍應會上埋第五道菜

Hanzou 嘅湯相對較清甜，冬菇內包著魚肉，我喜歡！

Hanzou 嘅第五道菜又可以玩啦，忍者侍應會叫你係個箱內將隻蛋取出，跟住手指用力將蛋內食物原隻推出。。

裏面主要係菇，味道相當清，十分適合我呢啲以減肥為終身職業嘅港女。

Yamato 嘅第六道菜是一個迷你竹炭漢堡飽，相對其他菜式，呢味算是最普通了！

主菜終於到，我們兩個都揀佐日本和牛，Hanzou course 嘅和牛較美味，入口即溶。

雖然Yamato 嘅和牛味道亦相當唔錯，但牛肉有根，較Hanzou course 嘅和牛遜色。

食完和牛再嚟 Ninja 壽司，這是Hanzou course 嘅壽司

這是Yamato course 嘅壽司

食到呢度已經飽佐9成有多，係時候上甜品。心水清嘅你應該會留意到Hanzou course 尚欠一道菜。係！因為忍者侍應會為揀Hanzou course 嘅食客送上一碗生果！ 

這是Hanzou course 嘅甜品，內有3款不同味道嘅雪糕，少吃甜嘅我亦可以清晒，好味道！

Yamato course 嘅甜品亦唔簡單，呢隻青蛙其實係芝士蛋糕，正！

呢度除佐食物特別外，亦有唔少特別嘅飲品，我們一共試了四款，好飲！

其實忍者體驗並不是這樣簡單，因為食到中途會有忍者進來表演兩個令人嘆為觀止嘅魔術，究竟有幾精彩？就留待你自行評分吧！

嚟之前必須網上預約，他們會以電郵確認訂位，食客亦須先揀Ninja course。下次去東京，記得去試試啦！

http://www.ninjaakasaka.com/

旅遊日期：2016年8月