workheartplayheart

係日本嘆 omakase (廚師發辦）比喺香港食平一大截，但質素就比香港好得多。11月的東京遊，一連兩日食佐兩餐omakase，正到不得了！

新宿係自由行必到的購物點，買夠後就記得食餐好先返酒店。位於NEWoMan內嘅 Sushi Tokyo Ten 係近年食omakase 嘅熱點，自數年前靚女同事介紹過後，我們差不多每次遊東京都嚟幫襯。7000 Yen 一位嘅 omakase 有約20款食物，有齊海膽，龍蝦及鮑魚等高貴食材，款款新鮮好味，大推！

嚟之前記得先係網上訂位，無訂位嘅朋友可以6pm嚟到碰碰運氣！

另一推介，係位於豐州巿場的大和壽司！實不相瞞，飛佐n次東京，大和壽司係第一次食，因為我哋不愛排隊！🤣

聽聞搬到豐州市場的大和壽司條隊比以前短，所以今次專程一試。我們約10:30am 嚟到，排佐唔駛半個鐘就食到。約 4000 Yen 一位的omakase 有11款食物，新鮮好味，排半個鐘絕對值得！提提大家, 大和壽司只接受現金付款。

大和壽司在豐州巿場青果棟地下，而其他有名壽司店如壽司大則在水產仲卸賣場棟。兩棟相隔約10-15分鐘路程，記得先鎖定目標唔好行錯。

旅遊日期：2019年11月