必到世界遺產 - 五漁村－workheartplayheart

因為五漁村（Cinque Terre)，我們再來意大利。五漁村的美絕對沒有令人失望，4月中的意大利已經熱到汗流浹背，但我們仍然覺得此行值得！

我們選擇係距離五漁村只有一小時車程的Genova 住了兩晚，方便一日遊五漁村。

五漁村(Cinque Terre)由蒙泰羅索(Monterosso)、韋爾納紮(Vernazza)、科爾尼利亞(Corniglia)、馬納羅拉(Manarola)和里奧馬焦雷(Riomaggiore)這五個村鎮組成。我們係Monterosso落車，先去客戶中心買了張一日票便展開行程。五漁村車站內的洗手間是需要付錢的，但持一日票乘客除可無限次穿梭五條村外，更獲豁免使用洗手間的費用。

五漁村內火車的班次可能要成30分鐘先有一班，強烈建議下車後查清楚時間，才決定係村內的逗留時間，否則隨時係烈日下暴曬半個鐘等車。

一落火車，已經被Monterosso 靚絕的沙灘和一排排藍色太陽傘吸引著，沿著沙灘一路行，就可以見到彩色屋，我們係Monterosso 逗留了差不多一個多小時。

行完Monterosso後，我們一次過坐到最遠嘅Riomaggiore，諗住經愛的小徑（Via dell'Amore）行去Manarola，怎料Riomaggiore的一段小徑封了，我們唯有係沿海的另一段路看看海，放放空，影影相，雖然熱，但仍十分舒服，這就是旅遊的樂趣！

Manarola係其中一個最多人的漁村，呢度有唔少小店，亦有唔少著到靚靚嘅遊客係度擺pose 影相，由於人太多，我們係度唔算逗留得耐，影完相便走了！

由於時間關係，Corniglia係我地一日遊嘅最後一個漁村，我們先搭免費巴士（一日票包了的）上到最高點，相比其他3個漁村，呢度唔算特別。我們選擇步行行番落車站，沿途風景優美，遠遠望著Monarola的彩色小屋，別有一番滋味！

由於我們訂佐5pm火車回Genova，我們只夠時間遊走4條村，無諗過6個小時都完全唔夠行，可能因為村與村之間的火車班次太疏，加上意大利嘅火車又經常delay，每每係等車上花了很多時間，Sigh... 離開時係遊客中心睇名信片，才發現未有時間參觀的Vernazza 亦非常靚，可惜我之前沒有完全做好功課，否則我會選擇到 Vernazza 而放棄Corniglia。

係Monterosso等火車去Genova，怎料又遇delay，唔知係delay太多還是顯示屏壞了，列車到站後並沒有任何指示火車去邊，我不停問車站職員，完全無人理我，最後我們匆匆走上火車，才發現架車沒有劃位，心知不妙，隨即問車上的遊客是否去Genova，可惜佢哋唔太清楚。