workheartplayheart

從馬德里Chamartin 火車站出發，只需30分鐘便可到達塞哥維亞(Segovia)。呢度除佐保留了羅馬時期已存在的羅馬水道橋外，仲可以食到皮脆肉嫩的乳豬。👍🏻

從塞哥維亞火車站到羅馬水道橋，可以乘搭11號巴士（每位2 Euro)，又或是乘的士（約8 Euro)，如果你有4人同行，的士係好選擇。

一落車已經感受到羅馬水道橋的震撼，已經忘記了係度逗留了多久，總之就係影過不停。水道橋不但是世界遺產，亦是塞哥維亞的象徵，據說呢度係保存得最好的古羅馬遺蹟。

從水道橋步行去塞哥維亞城堡 Alcazar de Segovia 大約需時25分鐘路程，沿途會經過小店、大教堂及主廣場等，行吓睇吓又買吓，輕輕鬆鬆就去到城堡。

這座城堡曾用作王宮、監獄、皇家炮兵學院及軍事學院。城堡內展出唔少兵器，遊客可以慢慢睇慢慢影！

另外，塞哥維亞主教座堂係另一必到景點。教堂建於16世紀，是以哥特式設計的主教堂，靚👍🏻！

出發前做了不少research ，希望可以搵到間正餐廳食乳豬，最終我們揀了Restaurante José María。由於我們沒有訂位，所以我們決定頭圍用膳，12點零就到達餐廳，果然無令我們失望，唔駛等位！

餐廳會將一隻乳豬分成6份，我們一行4人，每人點了一份乳豬，連埋隔離枱嘅order，侍應拎了一隻乳豬出嚟即場分。乳豬皮脆肉嫩，一點肥膏也沒有，好味到不得了！👍🏻

乳豬可以選擇配沙律或薯條，盛恵27 Euro一位，呢個價錢絕對唔平，不過堅好吃！

食佐一陣，餐廳已開始多人，不知是否燒乳豬時間不夠，還是燈光問題，我們臨走前見有啲乳豬燒得無咁靚，應該早食有著數吧！

除了乳豬外，塞哥維亞亦出名食一款名叫porcion de ponche的甜點，甜到一個點係我完全吃不到，慶幸我們只點了一件4個人分。不過餐廳的熱朱古力奶及蛋糕仔就出乎意料之外地出色，正😋！

5月初的塞哥維亞，天氣變幻莫測，我們一日經歷了4季，陽光、陰天、下雨及落冰雹，呢個情況仲要在短時間內重複了數次，真係好特別的經歷。旅遊人生確實精彩！

旅遊日期：2018月5月